بطلت يوم العد

كتاب حياتى و مش مقفول

معادلة صعبة و حلها معقول

فتحه بيفرش كل شئ ملموم

و كتر الصفح خلى شئ مجهول


و ليه غلاف قافل عليه

مين بص يمكن يرتاح اليه

و ف يوم أكيد يدبل غلافه

و كل حاجة توضح عليه


قلمه مسجل كل شئ مظبوط

و أكتر ما سجل لحظات سقوط

و سعات كتير ينسى الخطوط

و تصبح حروفه حبة خيوط


فكرت مرة أعمل منافسة

و جوا منها حوار مناقشة

بين التفاؤل و التشاؤم

تقوم مبارزة

و كل حزب تكون له جايزة


و مات التفاؤل وسط الهتاف

وسط الشتايم كان له اعتكاف

و ازاى يفوز وسط ارتجاف

و ف النهاية شايلاه كتاف


أما التشاؤم ظهرت براعته

كلام احباط لا يهزم طبيعته

و لحظة فشل دى أحلى وقته

و ف النهاية عليت نتيجته

ليه يا قلمى راسم بسنك

جنود ذكية و حصون قوية

و راسم بدايرة سور لنفسك

و سلاح دفاع لوقت حاجتك

و عدّت سنين ملهاش رواية

و كت دى فترة تغيير حكاية

و لقصة تانية خطة بداية

و حُب الخيال كان لى الهواية

فاكتب بايدى كلمة نهاية


يا حبر لونك جابلى اكتئاب

يجرح بياض صفحة كتاب

و دمعك ليه وادد غياب

و خدّك ليه نازل عتاب


من كتر الصفح بطلت يوم العد

تعبت من يومى و التعب بيهد

و فكل لحظة العمر أهو بيدبل

و وراه أوام الفكر راح يشتد