مفيش فكرة و قلمى أهو وقف
مفيش فكرة وحاسة زحام
خواطر وشاردة ف وسط حطام
و ليّا قلب مليان كلام
و لسان متلجم بميت لجام
مفيش ذكرى و عمرى اتخطف
مفيش ذكرى و سايبه عَلام
و كمان حلاله سبّب ألام
و كاميرة حياتى فزعها منام
منام مفضلشى فيه أفلام
مفيش بكرة و زمنى اعترف
مفيش بكرة و شايفة خصام
و ناس وجودها صار الزام
و ليه هروبى صار أحلام
و صارلو شأن عالى المقام..؟؟
مفيش فايدة فيه شئ اختلف
مفيش فايدة و حلمى دا خام
ملوش فايدة عليا أهو حام
و نهاية ما بحلم هموم أكوام
مخاوفى ورايا و باجرى أوام
مفيش أمان خلاص اتحذف
مفيش أمان و راخر ما دام
و كلمة أمانة قتلها فطام
ع الدنيا راح ليه السلام
و آن الأوان ولّى الختام