نظرتى لكل من يمتعنا بشعره ..
معاك و دايما شايفنى
و بقلمى دايما عارفنى
سنين فاتت و لسه الجاى
كلام الفن على طول شاددنى
سعات كتير بكون قاسى
و لهدفى يمكن ما راسى
و حيرتى تقوم تكتفنى
و القوة فيّا و للاسف ناسى
و سعات كمان بوصف قلق
و لحظة وداع و قلوب تفترق
و حبة مشاعر جوه ف مسابقة
و عاش البطل و الكل احترق
و وقت الفرح متعتكو
و توب السعادة لبستكو
و فوق همومكو طيرتكو
و عند السحاب عيشتكو
نجوم السما ليها البريق
و للهنا راسمة الطريق
و كل ده وسط كتاباتى
وسط المعانى بأصبح غريق
من حلمى تصحى وقت النهاية
من جماله مالك كفاية
و المعانى ليها العجب
و فوق دا كله عندى غاية
يمكن أكون منك قريب
و مش بعيد عنك غريب
و لو تعرفنى و تعرف كتابتى
عمرى عنك ما أصبح مريب
و بحاجة من أترى
هأتخفى من اسمى
و بكــل قــوة
هأمسح ملامحى
مجنى عليا و مش بعانى
و بكل خيرى مش أنانى
متهم أنا جـــوا القضية
و الدليل هـــوّ المعانى!
المشاركات
0 بصماتكم:
إرسال تعليق