ع الحدود يصرخ ضميرنــــا
دا حد فاصل بينكو و بينــــا
تعدّوا منّو و فوق دماغنــــا
نعدّى منّو تروح رقابنـــــا
رسمتوا الخطوط بالمسطرة و القلم
و ف الطريق هدمتوا اللى اتهدم
سوقتوا الامور و بكل احتراف
و لا أجدع مين يكون سايق غنم
يا ناس قلوبكو دى قلوب بشر ؟؟
بدّلتوا القلوب بشويــة حجر
بفن و مهارة استاذ جراحــة
شوفوا طبع الحياه ف قلب الشجر
و فكّر زمان يخوض شاب التجربة
يعدّى حد فاصل أشواكه منبتـــــــة
و للمفاجاة ..ف جسمه غرزت شوكة واحدة
و النتيجة سيول رصاص متوجهة
و شايف ف كونى كل يوم أعاجيب
و كل واحدة ليها برضو م الأساليب
و حضارة تظهر كانت ما تسوى
لحد امتى نفضل كتير مغاليــب
لحد امتى نفضل ف موت عايشين ؟؟
نغمّس مرارة و ف الجهاد زاهدين
مرارة حياتنا أهون علينـــــا ...؟؟
طب لمّا يجى ازاى نكون ساكتين ؟؟
المشاركات
0 بصماتكم:
إرسال تعليق